Guets Fleisch und na bessere Rotwii und das alles sehr günstig, das isch Johannesburg. Scho mehrfach hämmer dörfe es Rindsfilet in Johannesburg gnüsse womer i dere Qualität wahrschindli na nie vorher gässe händ. Und au d Rotwii wo us de Region chömed, sind hervorragendi Tropfe. Natürli ischs au es anders Ambiente wämer das verusse under Palme chan gnüsse. Johannesburg isch aber au schön zum aluege, jedoch muemer chli luege i welne Regione das problemlos möglich isch. Au e chlini Safari oder es Winetasting hämmer uf eusne Reise dörfe erläbe.
